Kaudatu
Iniciar Sesión
  • Hasiera
  • EGIBIDE aurrera doa eraldaketa digitalean, KAUDATUren eskutik

EGIBIDE aurrera doa eraldaketa digitalean, KAUDATUren eskutik

  • Egibide

2019ko uztailean, Egibideko Lan Harremanen Sailaren lehen kontsulta jaso genuen. «Eraldaketa digitala» abiatzeko asmotan zebiltzan. Lan kontratazioari datxezkion administrazio prozesuak sinplifikatu eta digitalizatu nahi zituzten, bi helbururekin: eraginkortasun administratiboa lortzea, eta baliabideen (kasu honetan, denbora eta papera) kontsumoa murriztea. Beste urrats bat da, paperik gabeko (paperless) bulego amestua lortzeko bidean.

Hala ere, COVID-19aren pandemiaren hasiera zela-eta hartu zen KAUDATU sistemara igarotzeko azken erabakia. Horrela, Egibidek kontratatutako pertsonak beren lan kontratuak mugikorretik sinatzen hasi ziren. Joan-etorririk gabe, paperik gabe. Modu azkar eta seguruan.

Adierazi digutenez, «COVID-19aren pandemia iritsi izana izan zen gure sailaren eragilea, eta saihestu zen ehun pertsona baino gehiagok joan-etorria egin behar izatea ikasturte hasieran, kontratua sinatzeko. Lan bolumen oso handiko garaia da, eta KAUDATUk kontratua formalizatzeko erabilitako denbora hobeto kudeatzen lagundu digu; gainera, ingurumen helburuak lortzen lagundu digu, beharrezkoa ez den dokumentazioa sortu gabe».

Gaur egun, Egibide hausnarketa prozesu batean dabil, erabakitzearren ea beste prozedura batzuk (harrera prozesua, laneko arriskuen prebentzioari lotutako dokumentazioaren kudeaketa, etab.) abiatuko dituen, KAUDATUren bidez.

Egibide, Arabako ikastetxea; Bigarren Hezkuntzaren eta Lanbide Heziketaren zerbitzura dauden bost campus.

Egibide

Ikusi guztiak

Beste arrakasta kasuak
lotutakoak

This site is registered on wpml.org as a development site. Switch to a production site key to remove this banner.