Egibidek KAUDATU erabiltzen du, enpresekiko lankidetza hitzarmenak digitalki sinatzeko

Egibideren kasuan, araudi berri horrek 500 lankidetza hitzarmen inguru sinatu beharra dakar, ikasleek egonaldiak egingo dituzten enpresekin, legeak ezarritakoari jarraituz.

Digitalizazio integralerako beste urrats bat

Beste behin ere, Egibidek erabaki du KAUDATUren laguntza izatea erronka berri horri aurre egiteko. Efizientziarekiko, segurtasunarekiko eta jasangarritasunarekiko konpromisoa erakutsi du.
KAUDATUren sinadura digitaleko zerbitzuak erabiliz, enpresekin egindako lankidetza hitzarmenak digitalizatzen ari da Egibide. Aurrerapen hori mugarri garrantzitsua da, arlo guztietan paperik gabeko kudeaketa lortzeko bidean.

Onura nabariak Egibiderentzat eta enpresa laguntzaileentzat

KAUDATU erabiltzeak erosotasun paregabea ekarri die bai Egibideri, bai enpresa laguntzaileei. Akordioak elektronikoki bidaltzen direnez, kendu egiten dira joan-etorrien beharra, dokumentuak jasotzeko itxaronaldi luzeak, eta paperaren erabilera.
Enpresa laguntzaileek ere modu digitalean sinatzeko modu hori baliatzen dute. Lankidetza akordioak KAUDATUren bidez jasotzean, modu erosoan sina dezakete, klik bakar batekin, ziurtagiri digital konplikaturik behar izan gabe. Erraztasun horrek, denbora aurrezteaz gain, administrazio karga ere murrizten du.

Digitalizatutako beste dokumentu eta kudeaketa batzuk

Egibidek KAUDATU erabili duen hiru urtean, dokumentu eta kudeaketa giltzarri ugari digitalizatu ditu, laneko eta ikasketetako harremanen esparruan. Dokumentu horien artean daude nominak, egutegiak, komunikatuak, lan kontratuak, luzapenak, diplomak eta ikasleen ziurtagiriak.
Digitalizazio horri esker, nabarmen optimizatu dituzte administrazio prozesuak, kudeaketa erraztuta eta hezkuntza erakundearen efizientzia hobetuta.

Zerk eragiten du KAUDATU kanal segurua izatea?

KAUDATUk kanal enkriptatu bat eskaintzen du, transmititutako informazioaren konfidentzialtasuna bermatzen duena. Gainera, dokumentuaren igorlea eta hartzailea nor diren egiaztatzen du, biek sinatzaile gisa jardunda. Autentifikazio horrek, komunikazioaren osotasuna bermatzeaz gain, sinadura digitalaren prozesuarekiko konfiantza indartzen du.